Oldtimer Motocross Club Schweiz OMC   |   Impressum   |   Hinweis zu den Links   |   Satzung

Zuckenriet 21

Bericht aus der Zeitung

MXRS Zuckenriet 24.7.2021

Am haubi sächsi tschäderet dr Wecker, isch ja no Fischter. Abfahre am sächsi, einisch ke Vercher das isch de Super. Nach Winterthur, mues i no ufene Raschtplatz mues no uf d Latrine, nach über drissig Jahr gäng no chli nervös vor emene Renne. Am nüni Träning isch no chli gschliferig uf dr Pischte. Aber Chrigu ig wot no nid i Himmu springe, immer z gliche, är het wieder für zwänzg abferheiti WM Fahrer ä Sprung Landschaft boue. Chli weniger spitzi Sprüng u es wär ä perfekte Kurs. Chrigu mir sie glich froh, ohni di hätt mer nid so vieu Motocross i dr Schwiz. Mir si früe dran mit em 1. Louf, Startbauke abe erschti Kurve, ei Fahrer stürzt, aui Wiche us, äs wird ging änger u scho bini büchligse uf der Bultaco vom Gery u är drunger, usert Schürfige u Prellige nüt passiert, Gott sei Dank. Länker u Gabuhoume verdräit u Vorderbräms abbroche, de chöimer ja gmüetlich zäme zrügg is Faherlager ga repariere. Äs isch haut scho gäng hektischer we TS Fahrer am Start derbi si, Aus repariert u Usg Schlafe geits zum 2. Louf, Dunkli Wueche am Vorstart u scho fats a Rägne. Bim Start mues i nüt Riskiere i cha nämlich rächt guet im Dräck fahre. I gseh me OMCler umstah u Kike aus fahre. Churz vor Schluss überhout mi doch dr Gery no, füf Rundine heimer beid gmacht, was üs doch zimmli Gfreut het nach däm verschissne 1. Louf. Schnäu zrügg is Fahrerlager, füfzäh Kilo Dräck abchraue, Töff ilade u angers alege u Tschüss. Äs wird gäng leider mit em Wätter.

Bis Wagen Gruess René