Oldtimer Motocross Club Schweiz OMC   |   Satzung   |   Vielen Dank   |   Hinweis zu den Links   |   Impressum   |   Jack Frei   |   Neu Schneider   |   Neu Senn   |   Neu Iberg   |   Neu Walther   |   Neu Mathez   |   Neu Schadegg   |   Neu Selmi

Lugnorre 21

Int. MX Lugnorre vom 5.9.2021

Mit grosser Vorfreud bini am Samschtig Namitag Richtig Mont Vully losgfahre. Im Fahrerlager acho hani di Stoubwueche gseh wo di Fahrer vor Friburger Meischterschaft gmacht hei u de bini scho chli Enttüscht gsi, ha wöue s Frei Träning fahre am Samschtig Abe, aber so macht mir ds Crössle ke Spass. Bi de haut mit em Schatz ga Fisch ässe u nes Bier näh is Feschtzäut. Sunneschyn u nä Super präparierti Pischte am Morge het grad für gueti Lune gsorgt, ändlich Zietträning, zersch drei vier Rundine di neui schön agleiti Strecki besichtige, aber när hani zwe super Rundine ohni Fähler chönne fahre, huere Geil gsi. Nam Mittag dr erscht Louf vo de 68er, dr Bauke geit abe u los geits, ä mittumässige Start, bi haut chli ä Schieshas bim Start, äs isch mer gäng chli z äng. Die schnäue Franzose fahre mer chli um d Ohre, aber überrunde hani mi nid la, das isch scho mau super gsi. Die viele rot/wiesse OMCler heimer vieu Freud gmacht (bi haut chli patriotisch), äs isch Super gsi. Wet drmit Kameradschaft u Fairness chli fördere bi däm schöne Hobby. Bim zwöite Louf nach de viere isch dr Start nid besser gsi aus im erschte ud Stoubentwicklig het ds fahre nid grad eifach gmacht. Ha zwe wöue überhole wo besser gstartet si aus ig u bi vor luter Stoub ire Kurve fasch i de Seili glandet. BSA abwürge isch ono ufem Programm gsi u de heimi am Schluss die erscht drei doch no überrundet. Aues Unfaufrei u i ha ä super Tag verbracht.

Viele Dank em Verastauter.

Gruess René