Oldtimer Motocross Club Schweiz OMC   |   Satzung   |   Vielen Dank   |   Hinweis zu den Links   |   Impressum   |   Jack Frei   |   Neu Schneider   |   Neu Senn   |   Neu Iberg   |   Neu Walther   |   Neu Mathez   |   Neu Schadegg   |   Neu Selmi

Moutier 21

MXRS Moutier vom 11.9.2021

Usschlafe chame guet am Samschtig we z Träning ersch am eufi isch. D Strecki isch abwächsligsrich am Hang, ig chami trotzdäm nid richtig afründe. Start zum erschte Louf, dr Startbauke isch am Hang nach obe, da muesch no uf dr Bräms stah das dr Töff nid zrügg rugelet. Dr Bauke geit abe u ig mache fasch ä Piruette weu ds Hingerrad usbricht, cha no es paar Konkuränte überhole äs geit vo Rundi zu Rundi besser. Dr Start zum zwöite Louf geit chli besser aber ig gloube di vierehaub Stündigi Wanderig ume Hauwilersee am Donschtig hingerlat hüt sini Spure a mim Fahrgsteu, bi nid toufrüsch. Schad, hät ändlich i dr oberschte Kurve mit de viele teuife Spurrille ä Schnäui Linie gfunge, wome vieu Meter het chönne gwinne, aber da isch scho di schwarz/wiessi Flagge, u dr Spass isch verbi. A der Siegererig no nes Bier nä mit de Kollege u z friede hei ga.

Bis Ichertswil Gruess René